Bisaya Translation
Kanimo Anak,
Sa akong pagkatigulang imo unta ako sabton ug hatagan sa pailob, kun tungod sa kahanap sa akung mga mata, makabuak ako ug plato o makayabo ako ug sabaw. Mahiubos ang tigulang sa mataghigayon nga ako singhagan, bation ko ang kalooy sa kaugalingon.
Kun luya na ang akong mga dalunggan ug dili ko masabtan ang imong gipangsulti, ayaw pod tawon ko sultihi sa makabungol! ug palihog subli-a nalang ang imong gisulti o dili bakaha isulat nalang pasensya kana anak tigulang na gayod ako.
Kun luya na ang akong tuhod hinaot, unta nga magmakugi ka sa pagtabang kanako, arun ako makatindog, sama sa akong pag-agak kanimo kaniadtong nagtuon ka pa sa paglakaw.
Hinaot nga imong pasensyahan kon ugaling usahay magbalik-balik ang akong gisulti sama sa plakang guba. Pamatia nalang ko, ayaw akog kataw-i, ug ayaw katagam sa pagsige ug pagpaminaw kanako.
Nahinumdom ka ba anak niadtong bata ka pa? Kun aduna kay gustong pangayoon o ihangyo kanako, gisigihan gyod ko nimog balik-balik gikan sa buntag hangtod sa hapon. ako baya tong gi-agwanta ang tanan.
Pasensyahi usab unta ang akong pagkabahu-bahong tigulang ug bahong lapok. Ayaw nalang ko lugusa sa pagkaligu. Luya ang akong lawas. ug kabalo ako nga dali ra kang lud-on kanako. Nahinumdom ka ba anak niadtong bata ka pa? Gikugihan gyod ka nako ug gukod-gukod hangtod sa ilalom sa katre kon usahay dili ka magpaligo.
Pailob nalang usab, kung kasagaran saputon ko ug masuk-anon, dala na seguro ni sa akung katigulangon. Inig katigulang nimo masabtan mo ra kini.
Kun aduna kay gyotay nga panahon, mag-esturyahanay ra unta ta, bisag ka gyot lang. Gilaayan kako dinhi sa balay, tibook adlaw akung nag-inusara, walay kaestorya. Nasayod ako nga "Busy" ka imong trabaho apan buot kung masayod ka, nga naghinam-hinam ako nga makahinabi ka, bisan dili ka interesado sa akung estorya.
Nahinumdom ka ba anak, niadtong bata ka pa? Gikugihan ko gyod ug pagpaminaw ug pagsabot ang yungit nimong estorya mahitungod sa imong dulaan.
Ug kun moabot na ang higayon, nga ako mapilit sa banig, tungod sa sakit. Hinaot unta nga dili ka pul-an sa pag-alima kanako. Pasensya nalang kun ako makaihi o makalibang sa higdaanan, kugihi nalang gyod tawon ang pag-alima kanako sa katapusang gutlo sa akong Kinabuhi. Total dili naman ako magdugay.
Ayaw kabalaka kun ika-atubang kuna ang Dios nga atung mabubuhat, ihung-hong ko kaniya nga panalanginan ka niya kay usa ka anak nga nagmahal sa imong amahan ug inahan.
Hinaot unta anak,
Ang imong Ginikanan.
Sa akong pagkatigulang imo unta ako sabton ug hatagan sa pailob, kun tungod sa kahanap sa akung mga mata, makabuak ako ug plato o makayabo ako ug sabaw. Mahiubos ang tigulang sa mataghigayon nga ako singhagan, bation ko ang kalooy sa kaugalingon.
Kun luya na ang akong mga dalunggan ug dili ko masabtan ang imong gipangsulti, ayaw pod tawon ko sultihi sa makabungol! ug palihog subli-a nalang ang imong gisulti o dili bakaha isulat nalang pasensya kana anak tigulang na gayod ako.
Kun luya na ang akong tuhod hinaot, unta nga magmakugi ka sa pagtabang kanako, arun ako makatindog, sama sa akong pag-agak kanimo kaniadtong nagtuon ka pa sa paglakaw.
Hinaot nga imong pasensyahan kon ugaling usahay magbalik-balik ang akong gisulti sama sa plakang guba. Pamatia nalang ko, ayaw akog kataw-i, ug ayaw katagam sa pagsige ug pagpaminaw kanako.
Nahinumdom ka ba anak niadtong bata ka pa? Kun aduna kay gustong pangayoon o ihangyo kanako, gisigihan gyod ko nimog balik-balik gikan sa buntag hangtod sa hapon. ako baya tong gi-agwanta ang tanan.
Pasensyahi usab unta ang akong pagkabahu-bahong tigulang ug bahong lapok. Ayaw nalang ko lugusa sa pagkaligu. Luya ang akong lawas. ug kabalo ako nga dali ra kang lud-on kanako. Nahinumdom ka ba anak niadtong bata ka pa? Gikugihan gyod ka nako ug gukod-gukod hangtod sa ilalom sa katre kon usahay dili ka magpaligo.
Pailob nalang usab, kung kasagaran saputon ko ug masuk-anon, dala na seguro ni sa akung katigulangon. Inig katigulang nimo masabtan mo ra kini.
Kun aduna kay gyotay nga panahon, mag-esturyahanay ra unta ta, bisag ka gyot lang. Gilaayan kako dinhi sa balay, tibook adlaw akung nag-inusara, walay kaestorya. Nasayod ako nga "Busy" ka imong trabaho apan buot kung masayod ka, nga naghinam-hinam ako nga makahinabi ka, bisan dili ka interesado sa akung estorya.
Nahinumdom ka ba anak, niadtong bata ka pa? Gikugihan ko gyod ug pagpaminaw ug pagsabot ang yungit nimong estorya mahitungod sa imong dulaan.
Ug kun moabot na ang higayon, nga ako mapilit sa banig, tungod sa sakit. Hinaot unta nga dili ka pul-an sa pag-alima kanako. Pasensya nalang kun ako makaihi o makalibang sa higdaanan, kugihi nalang gyod tawon ang pag-alima kanako sa katapusang gutlo sa akong Kinabuhi. Total dili naman ako magdugay.
Ayaw kabalaka kun ika-atubang kuna ang Dios nga atung mabubuhat, ihung-hong ko kaniya nga panalanginan ka niya kay usa ka anak nga nagmahal sa imong amahan ug inahan.
Hinaot unta anak,
Ang imong Ginikanan.